Monday, 7 November 2011

HALLOWEEN EGUNA 2011

Urriak 31, Halloween eguna izan zen. Jende asko ikusi genuen kalean mozorrotuta, beraz, tradizio hau Euskal Herrian ere jarraitzen dela esan daiteke.

Halloween gaua urriaren 31ko gauean ospatzen den jaia da, Irlandatik eratorria eta Estatu Batuek esportatua dena baina beste herrialde batzuetan ere ezagutzen dena beste izen batzuekin. Halloween eguna zelta herrietako jaia bat da.


Halloween gaua, nondik dator?

Guztiok ezagutzen dugu halloween gaua. Gaur egun Euskal Herriraino heldu den ohitura yanki edo ingeles bat da. Baina, benetan herri hauen ohitura da?

Egia esateko, Halloween orain dela milaka urte jaio zen eta Zelten herria ospatzen zuen jaia zen. Herri honek azaroaren batean urte berria ospatzen zuen, eta beraz, urriaren 31a urtearen azken gaua zen. Gau honetan jaia egiten zuten eta haien jainkoei eskaintzak egiten zizkieten. Gehienetan animaliak eskaintzen ziren espiritu gaiztoak aldentzeko. Gau horretan, Samhain heriotzaren zaldunari eskaintzen zioten eta festa bat egiten zuten urte berria ospatzeko. Gainera, haien hildakoak gogorazteko erabiltzen zuten gaua. Beraz, urriaren 31ko gaua magiaz betetako aldia da. Hildakoentzat opariak uzten ziren leihoetan.

Baina, erromatarrek zelten herria konkistatu zutenean jaia aldatu zuten eta beste izen bat eman zioten haien jai propioarekin bat etortzeko. Horrela, Zeltek haien erritoak ospatzen zituzten gau horretan eta erromatarrek haienak. Kristautasuna heldu zenean, ospatzeko modu bakarra inposatu zuen eta bere egutegira akoplatuz azaroaren bata Santu guztien eguna izendatu zuten. Halloween izena ingelesak eman zioten "All Hallow even" (Santu guztien gaua) hitzak moztuz. Horrela, heldu da gaur egunera arte.

Gau honetan hildakoen espirituak bizirik daudenetik gertuago daude eta atzean geratu diren horiei oroitzapen bat egiteko gau aproposena da. Gogoratu, gau honetan sorginen gaua deitzen zaio eta hau zer edo zer esan nahiko du. Batzuen ustez gau oso ona da aztikeriak eta sorginkeriak egiteko, izan ere, bizien eta hildakoen munduak gertuago daude.




https://docs.google.com/open?id=0B1dG6WezdCGOMGJiMjNlYjYtMmNhNS00MTY5LTkzZWYtNTRlODAxZDEyYzgw

Tuesday, 25 October 2011

BERRI TXARRAK-EN DISKO BERRIA

Berri Txarrak, Nafar rock talde ospetsu bat da, 1994an Lekunberri herrian sortua. Orain arte 6 disko atera dituzte baina musika talde ospetsu honek disko berria atera du orain dela gutxi. Disko berri honen izenburua "Haria" da eta esan dutenez 12 kanta ezberdinek osatuko dute. Hirukote ospetsu hau Estatu Batuetan dago bere zazpigarren albumari bukaera eman nahian. Disko berri hau Azaroan kaleratuko da ziurrenik.


Orain arte grabatutako diskoen aldean oso esanguratsua izango dela esan dute, kantak oso landuak egin dituztela eta. Oraindik ez dakite seguru kontzertuak noiz eta non hasiko diren, baina laster izatea espero dugu.
Informazio gehiago behar ezkero klikatu hemen.





Ane Abalabide.

Thursday, 20 October 2011


Zinemaren hasierako urratsekin hasi eta gaur egun arte, ia hamabi hamarkada aztertu dituzte azken lau urteotan. 2010eko zinema aztertuta itxiko dute ziklo sorta.

Gasteizko Montehermoso kulturgunean 'Emakume zinemagileak' zikloaren laugarren eta azken edizioari ekingo diote gaur.

Ziklo honekin, ia hamabi hamarkada aztertu dituen ibilbidea itxiko dute. Zinemaren hasierako urratsekin hasi eta gaur egun arte emakumeek zinema munduan izan duten papera aztertu dute lau ziklotan.

2008an egin zuten lehena, 'emakumeak zinemaren hasieran' gaia oinarri hartuta. 'Emakume zinemagileak: konpromisoa eta ahanztura' izena jarri zioten 2009koari, eta "Emakume zinemagileak: teoria eta praxi politikoa' izan zen 2010eko. Aurtengo edizioan, gaur egungo gizarteak bizi dituen aldaketak islatzen dituen emakumeen zinema izango dute aztergai.

Informazio gehiago klikatu hemen.

Hemen emakume zinemagile baten bideoa duzue Euskal Herrira bisitan etorri zenekoa.



Izadi Egizabal Alkorta.

Thursday, 9 December 2010

Txolarre eguna

Ez du ikasturte hasiera erraza izan Txolarre irratiak. Arazo teknikoak tarteko azkeneko asteotan ez du zuzeneko emankizunik eskaini. Datozen egunotan berriz ere betiko emankizunak itzuliko dira Txolarre Irratira eta beste ekintza garrantzitsu bat izango dute atarian: 10. urteurreneko ospakizuna. Urte hasieran abiatu zituzten urtemuga borobil hau ospatzeko lehenengo ekitaldiak, eta urtarrilean bukatuko dituzte. Bien bitartean, hauetan gertuan izan dituzten lagunekin ospatzeko egun osoko festa antolatu dute abenduaren 11rako. Anoetako Udala, Kuku Elkartea eta Gazte Asanbladaren laguntzarekin antolatutako TXOLARRE EGUNA izango da. Goizean, Loatzo Musika Eskolako ikasleen kalejirarekin hasiko da eguna. Ondoren bertso bazkaria izango da Amaia Agirre eta Aitzol Barandiaranekin Kuku Elkartean eta arratsaldean tribi-bertso poteoa. Gaueko 23.00etatik aurrera, kontzertu ikusgarria izango da Anoetako Gaztetxean: BERRI TXARRAKek eskainiko baitu emanaldia. Egun honetan parte hartzera gonbidatzen zaitugu.

Tuesday, 30 November 2010

Vaya semanitaren arrakastaren zergaitia

Vaya Semanita ETB2n egiten den umore telebista saioa da, Pausoka produktoreak produzituta. Hasiera batean katearentzako garrantzia handirik gabeko umore saio arrunt bat zen arren, gerora eta ikusleen erantzuna ikusita saioaren ordutegia ikusle gehieneko orduetara aldatu zen eta saioaren egitura ere aldatuz joan zen. Programa onek euskal herriko audientzia gehiena edukitzen duen serieetako bat da. Espainian ere oso ezaguna da umorezko oso programa ona dela eta, gainera beste programa batzuetan asko hitz egiten dute honetaz.
Gaur egungo arazoak (politika,ekonomia,erlazio sozialak,senar emazteen arteko arazoak) modu barregarri eta komikoan interpretatzen dituzte. Adibidez, Antton eta Maiteren arteko, senar emazteen arteko, arazoak interpretatzen digute, horietaz aparte Jonan eta Txoriren arteko erlazio soziala …

Bai baina kasu batzuetan jendeari ez dio graziarik egingo beraiekin sartzen badira adibidez politikoei, eta orrek arazoak ekar diezaiekete. Gainera ez da dibertigarria beti jendearekin sartzen ibiltzea.

Bai egia da batzuetan jendeari ez zaiola ondo irudituko baina hala ere Vaya semanita seriea oso ondo dago bar ugari egiten delako eta entretenigarria delako, gainera plano desberdinetatik hartutako irudiak elkartu egiten dituzte eta efektu polit bat geratzen da, hori ondo geratzeko errealizadore eta kamara onak eduki behar dira eta serie hau egiteko onak kontratatu zituzten, eta ona hemen emaitza, hori ez da guztia produktorea “pausokak” oso lan ona egin du propaganda eginez eta orrek asko lagundu dio serieari ikusle kopurua gero eta handiagoa izateko.
Hori gutxi balitz,lasaitasun handia ematen duten aktoreak dituzte, hau da, paper desberdin asko interpretatzeko gaitasuna dutenak, eta gainera, guztiak bikain interpretatzen dituzte. Andoni Agirregomezkortak, adibidez, aurkezle lanaz gain, beste paper ugari antzezten ditu, eta berak bezala, beste aktore guztiek ere: Javier Antón, Iker Galarza, eta abar.

Hori guztiaren ondorioz ikus daiteke, kalitate oneko programa dela eta horrez gain oso dibertigarria ere bada aktore eta produktore bikainak dituztelako, eta horrez gain, oso gidoi onak antzezten dituztelako.

Wednesday, 12 May 2010

Arrazakeriaren aurka borrokan, Nelson Mandela


Nelson Rolihlahla Mandela (1918ko uztailaren 18an jaioa), bere herrian Maldiba bezala ezagutua. Hego Afrikako lehen presidente aukeratua izan zen demokratikoki, hautespen unibertsalaren bitartez. Presidentea izan aurretik, ekintzaile garrantzitsua izan zen arrazakeriaren aurka, bere ideia hau defendatzeagatik 27 urtez egon zen kartzelan.

Gizon honen bizitza ez zen batere erraza izan, Qunu izeneko herri batean jaio zen,Umtata eta eta Transkeien ondoan. Hiru aldiz ezkondu zen, 6 seme izanda.
Bere emazteak baita bere semeak ere, erraz hil ziren, istripuen eta sidaren ondorioz. Hego Afrikan egoera txarrean zeuden, gaixotasunak, borrokak, istripuak...

Mandela, 50 doktoratu inguru jaso zituen, munduko unibertsitate ezberdinetatik.
Teresa Kalkutako amarekin batera.

Nelson Mandela gogoan edukita, Gozategik kanta bat eskeini zion Mandelari, hauxe da kanta:



Anne S.S Julen S. Maddi S. Txomin A. Niko M.

Monday, 10 May 2010

IRAKARKIEN GEHIEGIZKERIA

2010 ean (TVE) iragarkiak botatzeari utzi dio, baina beste kate guztiak ez dute (TVE) bidea ez dute segi eta lehen baina iragarki geiago botatzen ari dira.Eta guk kate bateko programabat ikusi dugu eta atsenaldietan 20 iragarki bota dituzte, hori gutxi balitz iragarki gehiaenak: kosmetika, jostailuak, bankuak etb-etaz doaz.

Baina hume, gazte eta helduen komeri gogaikarri bat dugu tv film bat botatzen ari badira 3 edo 4 atsenaldi egoten dira eta gehienetan aspertu eta katez aldatzen dugu filma ikustez bukatu gabe.




Ane Urbizu eta Ander Aguirrezabal

Wednesday, 28 April 2010

Manu Sanz, zinemaren adiskidea


Betidanik ibili gara zinema aretoetara joan, pelikula bat ikusi eta askotan, etxean dvd- a piztu eta berriz ere ikusi. Seguruenik, zuek ere egin duzuela horrelako zerbait. Azken lan honetan, Manu Sanz izeneko pertsona jator batekin elkarrizketatxo bat egin dugu eta hauexek dira berak esandako lerroak:

"Hasiera batean, Leidor itxita egon zen berritzeko. 4- garren denboraldia da berriz ireki zutenetik. Leidor itxi arte zineklub batek dirua irabazten zuen, baina orduan zinea enpresa bati esker aurrera jarraitzen zuen, udalaren laguntza zipitzik eskuratu gabe. Azkeneko urteetan enpresek ez zuten alokatzen, inork ez zuen Leidor zinema alokatu nahi ez zitzaielako errentagarria ateratzen. Orduan obrak egin zituzten eta auditorioa eta antzerki guneak eraiki zituzten jende gehiago ibil zedin bertan. Hori dena bukatu zenean zinea itxi zen, itxita egon zenean departamenduak aurkezteko beraien proposamena antzoki eta kontzertuak emateko".

Lehenengo 2 denboraldietan zine klubak arrakasta gutxi izan zuen, iaz berriz asko. Zineklubeko arduradunen asmoa jendeak pelikulak ikustea zen, horretarako abonuak sortu zituzten, modu horretan arrakasta handiagoa izan zezakeen beraiek egindako lanak. Gaur egun, ostegunetan zinekluba dago eta asteburuetan pelikulak eta igandeetan berriz, umeentzako pelikulak.

Baita ere esan beharra dago, lehenengo asistentzia oso baxua izan zela, inork ez zekin zer pelikula ikusiko zuen hurrengo astean eta gainera abonurik gabe ez zuten deskonturik jasotzen.

Zineklubaren iritziz, abonuaren etorrerarekin pelikula guztietan ikusle gehiago izango ziren eta halaxe izan da, zenbakiek diotenez,orain bikoiztu egiten da sarrera.

Lehen, aste santuaren inguruan izaten zen maratoia, Donostiatik eginda ekartzen zen, zineklubaren iritziz hobe antolatua zegoelako, baina gaur egun, krisiaren ondorioz hemen antolatzen da. Horren guztiaren baieztapena Donostiatik eskainitako maratoiak Tolosan 440 ikusle izan zituen, Beasainen 42 eta Arrasaten 34. Hori dena bonoaren ondorioz gertatu da, jendeak horrela maratoi guztia ikus dezakeelako prezio baxuagoan.

Hurrengo maratoia azaroan izango da eta zinemako antolatzaileek nahiago dute Donostiatik bidaltzen dieten maratoia ezartzea Leidorreko pantailan, askoz ere errazagoa delako montatzea, kostu gutxiago eta hobeto antolatuak ere.

Antolatzaileen edo arduradunen iritziz, desberdintasun handia dago ikusle moetan, hots, gizonezko ala emakumezkoak izan: gutxien joaten diren ¨bezeroak¨15- 20 urte bitartekoak gizonezkoak dira, ondoren 12-15 urte bitartekoak, gero 20 urte bitartetik gorakoak eta zinemara gehien eta maizen azaltzen diranak emakumeak izaten dira eta zehazki 30-50 urte bitartean . Esan digutenez, gure adineko gazteak ez dira asko Leidor zinemara pelikulak ikustera joaten gure gustukoak direnak segituan internetetik jaisten ditugulako.

Badakigu, askotan, etxean pelikulak ikustea erosoagoa izaten dela, pelikula ugari ikus daitekeelako une berean, baina benetan ez al da hobea zinema aretoan ikustea pantaila handian zure lagunekin?

Tuesday, 2 February 2010

PETER ROBERTSEK BADU HITZETAN ZER ESAN

Laskorain ikastolako areto nagusia, "Mimarte" ikuskizuna amaitu berri da eta ikasle batzuk oraindik bueltaka balorazio orria bukatzen. .Hiru ikasle galdezka etorri zaizkio eta bere blogean sartzeko eta hiru opari egingo dizkiela esan die. Irakasle arduradun batek ere informazioa trukatu eta agurtu du. Aurrez -aurre edukita, mimo bikaina izateaz gain,hizlari atsegina ere badela erakutsi digu.

Urrutitik etorri zara, baina nor zara zu?

Jo a ze galdera, ni Peter Roberts naiz, Peter Roberts deitzen didate,mimo aktorea, eskoziarra baina Donostian bizi naiz 1975. urtez geroztik. Oporretan etorri nintzen aste pare baterako baino Urumeako aztiak sorgindu ninduen eta bertan geratu nintzen, ez oporretan, lanean baizik.
Zer egiten duzu hemen?
Hemen lan egiten dut baina ez dut beste inon lanean aritzeko prejuiziorik. Alkoholaren abusu eta prebentzioarako espektakulu batekin bidaiatzen dut, gazteei zuzendua eta horren arrazoia nire esperientzia pertsonalean dago. Istripu baten biktima errugabea naiz.2000 urtean motoan nindoala kotxe batek harrapatu ninduen eta hamahiru hilabete gogorrez bajan egon nintzen. Orduan Eskozian nire anaiak alkoholarekin arazoak zituela abisatu zidaten. Horren ondorioz alkoholak eta gehiegi pentsatu gabe dituen arriskua lantzeko espektakulu bat montatzea erabaki nuen, gazteei zuzendua batez ere, abisua eman nahi nien.
Isiltasunak asko esaten duela esan ohi da, zer diozu zuk?
Zer esango dut nik ba, dagoeneko begi eta keinuekin erantzuten ari natzaizu eta. Keinuak ekitaldi sakratu guztietan erabiltzen dira, hitzak alde batera utziz, keinuetaz baliatzen dira sakratua den hori sinbolizatzeko eta hau orokorra da ebentu sakratu guztietan. Horregatik erabiltzen dugu gure espektakuluan bi hatzak kopetean keinua, "edan aurretik pentsatu" sinbolizatzeko asmoz.
Zer eskeintzen du gorputz hizkuntzak ahozko hizkuntzak ez duena?
Ez dagoela gezurrik tartean, gorputz hizkuntzaren bidez gezurrak esatea oso zaila da, sentitzen duguna zuzenki adierazten du gorputzak. Gorputz lenguaiaren irakurketa zuzena da, horreterako fase desberdinak igarotzen baditu ere, pentsamendua, emozioa eta barneratzea. Keinu bat ikusterakoan zure esperientziarekin identifikatzen duzu, emozioarekin eta arrazoiarekin lotu eta horrela behin eta berriz, keinu horren esanahia ulertu arte. Irudi batek mila hitzek baino balio handiagoa duela esaterakoan horixe da, irudiaren kolpea.
Nola komunikatzen zara hobeto, gorputza ala hitzekin?
E... hitzak gustatzen zaizkit, asko gustatzen zaizkit. Hitzek indar izugarria dute, gaiak jorratu daitezke hitz desberdinak erabiliz baina gorputz hizkuntza zehatza da.
Orduan zer da zuretzat mimoa?
Istorioak kontatzea hitza erabili gabe.
Gaur egun gazteak etengabeko informazio eztanda jasaten dute. Nola iritsi beraiengana?
Emozioaren bitartez. Gaur egun publizitatea horretan oinarritzen da, beraien emozioetara iristen den esaldi eta mezu erabiltzen dituzte, engantxatuko dituenak hain zuzen. Hori da modurik egokiena, parrez edo negarrez ari diren bitartean, garunera iristeko bidea libre uzten dutelako, horregatik errazagoa da emozioetara iristea, gero pentsatu, hausnartu dezaketelako.
Arazoak... zeintzuk dira gaur egun gazteek dituzten arazoak, desberdinak al dira aurreko belaunaldiek zituztenekin alderatuta?
Gazte batek duen arazoa heldua izatera iritsi behar duela da eta hori ez da beti erraza. Gaztetatik izan behar du izan nahi duen heldu hori, inpernu bilakatzen baita ispilura begira jartzean izan nahi ez zenuen pertsona hori bilakatu zarela ikustea. Arazo nagusia heldu izatea eta nahi ez zenuen hori bihurtu zarela ikustean dago. Eta hau arazo unibertsala da, sarritan esperientzia berandu iristen zaigu eta bere esperientziaz balia gaiezkeen horiei ez diegu kasurik egiten, talde presioa dago eta taldekideak ere galduta dabiltza, horregatik esperientzia duen horiengana hurbildu behar dugu, zer den jakin nahiean bagabiltza. Gazteen kasuan hau askoz konplexuagoa da, estimulo eta distrakzio gehiago dituzte izan nahi duten pertsona hori izan daitezen.
Eskoziarra izanda eta bidailaria, arazoak desberdinak al dira herrialdearen arabera?
Interferentziak daude, desberdin egiten gaituzten zerak, baina arazoak unibertsalak dira.Denek ditugu emozioak gestionatzen dizkiguten bokal basikoak a, e, i, o eta u eta emozio guztiak horietatik isurtzen ditugu. Eta gero, kontsonanteak erabiltzen ditugu bizitza konplikatzeko, baina bost bokalak komunak dira pertsona guztientzat.
Proiektu berririk bai?
Bai, denbora gutxi barru ekartzea espero dut. Internet bidezko engainuaren inguruko proiektua da, orrialde sozialak, chatak eta abar. Proiektuaren aurkezpena lantzen ari gara eta ea onartzen diguten.
Gaur aurkeztu duzun emanaldia eta aurreko urtean eskeini zenuean berdinak al dira?
Ez, gaia berdina da baina emanaldi bakoitza desberdina bere baitan, etengabeko garapenean dago ikuslegoaren arabera modu batera edo bestera gauzatzen da eta emanaldi batetik ateratzen dudana beste baterako baliagarria zait, aldaketa eta esperimentazioa erabiltzen ditut. 2002an hasitako emanaldi hau etengabe garatzen ari da eta saioa bukatzerakoan ebaluaketa jasotzen dugunean onarpen maila ona eta igotzen doa urtetik urtera, adibidez %10 igo da iaztik hona, 74tik 86-87ra aurten. Horrek mezua iristeko modua perfilatzen ari dela esan nahi du.
Gaurko taldearen baloraziorik?
Oso ondo, oso dibertigarria, batzuk oso lotsatiak, besteak oso lantzatuak baina ederki pasa dugu elkarrekin, ni naiz egiten dudanarekin disfrutatzen duen lehena eta hori oso garrantzitsua dela uste dut, lehen mezu hori garrantzitsua bazen, izateari utzi dio eta orain urgentziazkoa bihurtu da, presioa dago atera eta berehalakotasuna bizitzeko, dena berehala lortzeko eta hori da gure ikuskizunak azpimarratu nahi duena, kopetean bi hatz edukitzearena, gauzak pentsatu egin behar dira eta ez itsu- itsuan egin.
Eta bukatzeko, nola esaten da mimo hizkuntzan eskerrikasko, plazerra izan da?
Hitzen isiltasuna, gorputz hizkuntza mintzatzen, goiko argazkian bezala.
Hitzen maitelea denez, ezin izan du erresistitu... Mila esker bihotz-bihotzez...lagunarte, mimoarte, geroarte(hitz eta keinuak erabiliz).

Monday, 18 January 2010

tolosako kaldereroak ate joka ditugu!!


Tolosako ihauteriak ate joka diren arren, Tolosaldeako hainbat herritan hasiak dira dagoeneko ospatzen. Baina eskoletatik antolatutako martxez gain, otsailak 6 iluntzean Tolosan kaldereroek giroa berotuko dute, izan ere ihauteriak iristear daude Tolosara.

Wednesday, 13 January 2010

Tolosako ihauterietan zezenak


Tolosako ihauteriak oso ezagunak dira Euskal Herri osoan behintzat, eta hori bereziki bi ezaugarrirengatik gertatzen da. Lehenengoa oso herrikoiak direla, hau da, jende askok hartzen du parte mozorrotuz, karrozak eginez... Baina beste gauza oso inportante bat ere zezenak dira, ia arratsaldero zezen plazan dauden zezenak, plaza berrian sokamuturra eta azken egunean goizeko zortzietan egoten den Pattar zezena.Beraz esan dezakegu zezenik gabe ihauteriak ez liratekeela berdinak izango.

Wednesday, 16 December 2009

ZORIONAK MAIALEN!!!!!!

Abenduak 13 egun handia bertsozalentzat.

BEC-a 14000 lagunez bete zen, 14000 bertsozalez, 14000 euskaldunez!!! beno, hobeto esanda 14000 eta 8 lagunez. 8 protagonistak, zortzi ausartak gure bihotza nahiz begiak malkoz
bete zituzten zortzi bertsolari nor baino nor. Eta borrokalekua oholtza, bakoitza bere lakuan jartzen duen oholtza.

Atzo txapeldun maialen atera zen. Lehenengo aldiz historian txapelak emakume baten burua ikutu zuen... bazen ordua!!!!
Baiña 13an ez zen Maialen izan txapeldun bakarra... entzulea, nahiz oholtzan aritu ziren beste zazpi bertsolariek ere irabazi baitzuten. Ez txapela baina irabazi zuten entzule nahiz bertsolarien bihotzetan lekutxo bat... denagatik eta denoi eskerrik beroenak. Guk 13an hartutako gozatua ezinezkoa izango litzateke eta zuek gabe!!!

Zorretan gaude zuekin, hitzik gabe... ESKERRIKASKO!!!!





Mattin Linazasoro eta Julen Sarasola

Wednesday, 11 November 2009

ALAKRANA

Jakingo duzuen bezala duela gutxi, urriaren 2an Alakranaren bahiketaren berri jakin genuen. Alakrana, hamar metroko ontzi pirata bat da. Bertan zeuden nabigatzaileak Somalian izan ziren bahituak Denbora asko pasa da eta badirudi atzo azaroak 17, bahitzaileek aske utzi zituztela.
Somalia oso pobrea da eta interes ekonomikoarengatik dirua lortu nahi dute, horretarako kasu honetan, erreskate bat eskatu dute eta Espainiako Gobernuak onartu egin du.


Lierni P. eta Maddi S.

Monday, 9 November 2009

KOLDO TARRAGONA: MUSIKA ESKOLAKO IRAKASLE ETA EGAN TALDEKO PARTAIDE

KOLDO TARRAGONA
Lehengoan musika eskolako irakasle eta egan taldekide den koldo tarragonari entrebista labur bat egitera joan ginen. Emen duzue.

EGAN TALDEKIDEA
1.  Noiz hasi zinen Egan taldearekin?
Egan taldetik 1991-ko abenduan deitu zidaten eta 1992-ko urtarrilean hasi nintzen beraiekin jotzen. Bost ginen eta akordeoia eta teklatua jotzen nituen.
2. Gustura al zaude zure taldekideekin?
Hasi nintzenetik taldekideak aldatzen joan dira. Oraingo taldekideekin oso gustora nago, denbora asko pasatzen dugu elkarrekin eta familia bat bezala gara.
3. Nola sentitzen zara kontzertu bat eman aurretik?
Orain ez naiz urduri jartzen baina hamazazpi - hemezortzi urterekin hasi nintzen eta esperientzia dut baina presioa eta nerbioak beti egoten dira.
4. Zer sentitzen duzu oholtzaren gainean?
Oholtzaren gainean oso gustora sentitzen naiz eta asko disfrutatzen dut.
5. Nola izaten da entzuleen erreakzioa kontzertuetan?
Denetk dago: batzuk saltoka asten dira hasieratik; beste batzuei, ordea, gehiago kostatzen zaie animatzea. Nahiko ona orokorrean.
6. Zaila al da instrumentu guztiak zuk bakarrik jo behar izatea?
Gaur egun dena teklatuarekin egiten dut. Esku batekin baxua eta bestearekin armonia, baina bateria bat etortzen da, Xabier-ek kantantu egiten du eta giroa alaitzen duten dantzariak ere egoten dira.
7. Inoiz pentsatu al duzu egan taldea uztea?
Askotan. 1994-ean banandu ginen eta orain dela zazpi urte berriz deitu zidan Xabierrek. Hasieran ezetz esan arren azkenean baietz esan nion.

MUSIKA IRAKASLEA
1. Zein instrumentu jotzen dituzu?
Akordeoia, pianoa eta orain dela lau urte hasi nintzen tronboia ikasten musika eskolan bertan.
2. Zein gustatzen zaizu gehien?
Akordeoia dudarik gabe.
3. Zaila al da irakasle lana?
Zaila ez, ni gero eta gustorago nabil. Esperientzia gehiago dut eta egun osoa emen sartuta ematen badut ere ez naiz aspertzen.
4. Zuzendari izatea zaila al da?
Arazoak izaten dituzu, erne egon behar duzu udaletxearekin ... Arazoak barruan ematen dituzu eta pisu handia da. Baina lagun asko ditut musika eskolan bertan eta beraiek laguntzen didate.
5. Talde bateko zuzendaria zarenez, partiturak sortuko dituzu. Denbora asko eskatzen al dizu partitura bat sortzea?
Lehen eskuz egiten nituen partiturak, baina orain, ordenagailuarekin errezago egiten ditut. Denbora asko izaten da partitura bat konpontzeak, sei ordu gutxi gora behera. Baina ez baduzu erreferentziarik dezente zailagoa da.
6. Lortzen al duzu musika joleak kasu egitea?
Kar kar. Musika eskolan hiru talde ditugu, baina gehen gustatzen zaidana asteazkenetako taldea da. Egia da, ala ere, beraiek direla zaharrenak.
7. Kontzertuetan musikariengan konfiantza al duzu? Ala noizbait huts egin al dizute?
Orain talde handiarekin oso lasai egiten naiz, bai konfiantza dut beraien gan.
8. Zure ikasle izandakorenbat urrutira iritsiko balitz musika munduan eta eskerrak emango balizkizu erakutsitako guztiagatik, nola sentituko zinateke?
Batzuk etorri dira, gutxi, baina etorri dira. Horrelako momentuetan munduko pertsona zoriontsuena izaten naiz, batzuetan negarrez ere hasi izan naiz. Ala ere beti elkartzen gara iñauterietan, kaldereroetan...

Unai eta Ane

Wednesday, 28 October 2009

Bob Marley


Nime Millen (Rhoden Hall,Saint Ann ) jaio zen, Jamaika iparraldeko herrixka batean Karibe itsaso bazterrean. Cella Booker, 18 urteko jamaikar neskaren eta Norval Marley, 50 urteko britaniar armadako kanpitain txuri baten semea zen. Aita ez zen semeaz arduratu. 1950ko hamarkada bukaeran, Bob bere amarekin Kingston-era joan zen bizitzera. Nekazariak hiri honetara joan ohi ziren beren egoera ekonomikoa hobetzeko asmoz. Zoritxarrez, gehienentzat euren etorkizuna auzo txiroetan zegoen.

Trenchtown izan zen Robert Nesta Marley gazteak bebop eta jazz aire berriak ezagutu zituen lekua. Hau izan arren haren lehen eragin musikala, honako hau aitortu zuen: "me couldn't understand it,", hau da, "ez nintzen ulertzeko gai". Hala ere, 1960. urtean arratsaldero, Joe Higgs-ek antolatutako musika saioetan parte hartzen hasi zen.

Kingston-en soldatzaile moduan lan egiten zuen bitartean, Bob-ek bere lehen musika taldea sortu zuen: The Rubeboys. 1963. urtetik aurrera The Wailing Wailers izena hartuko zuten, Bunny Wailer eta Peter Tosh-ekin batera. Elkarrekin jotzen hasi ziren Ray Charles, Fats Domino, Brook Benton eta Curtis Mayfield-en eraginpean. Urte horretan lehenengo reagge diskoa kaleratu zuten. Jamaikako zerrendetan lehen postua lortuko zuten.

1966. urtean, Bob Marley Rita Anderson-ekin ezkondu zen eta Estatu Batuetara joan zen amarekin bizitzera, zein bere senar berriarekin bizi zen. Uhartera itzuli zenean, dagoeneko onartua zuen rastafari erlijioan gehiago sinesten hasi zen,1966. urteko apirilaren 23an Haiele Selassie (Ras Tafari Makkonen) Etiopiako erregeak Jamaikara bidaia egin zuenean, gizon haren delako "jainkotasuna"-ren lekuko izan ondoren. Bere izpirituaren egoera berri hau kantu berrietan islatuko da.

Bere lagun Bunny eta Peter-ekin, talde berri bat sortzen dute: The Wailers. Kantuetan ageri zen espiritualismoa zela eta, arazoak izan zituzten ordezkari bat bilatzeko. 70. hamarkadaren hasieran, Lee Perry-rekin bat egiten dute. Ekoizle honek taldearen lana goitik behera iraultzen du, beren lan onenei emaitzak ematen, hala nola Soul Rebel, Small Axe, 400 Years, etab.

1972. urte bukaeran taldeak euren lehen diskoa argitaratzen dute, Catch a Fire. Arrakasta handia izan zuen, eta honek, Inglaterra eta Estatu Batuetatik bira bat egitera bultzatzen die.1973. urean beste diska berri bat ateratzen dute, Burnin, kantu zaharren bertsioekin.

Bunny eta Peter-rek taldea uzten dute bakarkako lanak hasteko. Marcia Griffitsh, Bob-en emazte berriak, eta Judy Mowatt-ek ordezkatzen dituzte. Taldea Bob Marley & The Wailers deitzera pasa zen. 1975. urtean Natty Dread argitaratzen dute eta beste disko bat zuzeneko kantuekin: Live!.

1976. urtean Rastaman Vibration argitaratu zuen. Disko honek listetan emaitza honak izan zituen eta Bob-en onenetariko bat moduan kontsideratu zen. Bere kantak gai asko ikutzen zituen: maitasuna, kritika soziala etab. iraultza politiko eta espirituala alegia.

1981. urteko maiatzaren 11an, hil zen Miamiko ospital batean 36 urte zituela, Meritoaren Ordena Jamaikarra delakoa jaso ondoren, bere kontribuzio kulturalari esker. Bere gorpua bere jaioterrira eraman zuten, Nine Milera, mausoleo baten atseden hartzen duelarik. Nesta Robert Marleyk hileta ederra jaso zuen herriko jendeari esker. Hileta horretara, Jamaikako lehenengo ministroa eta beste munduko jende ospetsu asko joan zen.


Monday, 26 October 2009

JOLASTUZ IKASTEKO AUKERA,,TRIANGULOAN


Komertzio foroak antolatuta, Jakin eta Jolasekoak izan dira hemen

Haur ugari bildu dira arratsaldean Triangulo plazan. Bertan, aurpegia margotzeko txokoaz, marrazteko tailerraz, globoflexia egiteko guneaz eta antzerki emanaldiaz gozatzeko aukera izan dute etxeko txikienek. Tolosako Komertzio foroak abiarazitako ekimenaren baitan, Jakin eta Jolas taldekoak izan dira gaur. Tolosarrak larunbat arratsaldeetan herrian geratzeko asmoz, abiarazi zuten ekimena irailean, eta horrela komertzioa indartzeko xedez, hainbat ekitaldi ari dira burutzen azken asteburuetan. Oraingo ekimen hau laugarrena izan da.


IXABEL,ZAMZARA

Wednesday, 21 October 2009

Rihanna; popetik punkera, bost urtetan

Grunge-pop estiloa atzean utzi eta look ausartago baten alde egin du Rihannak azken urteetan. Ilea moztu du eta kirol-jantziak larruzko arropengatik aldatu ditu.

15 urterekin barneratu zen musikaren munduan Rihanna abeslaria eta bi urte geroago lehen diskoa atera zuen Jay-Z musikagilearen eta Evan Rogers ekoizlearen laguntzarekin. Geroago, zerrenda askotako lehen tokian kokatu zen eta horrek sekulako ospea eman zion. Garai hartan, kirol jantziak erabiltzen zituen, batez ere, Rihannak. Galtzak zabalak eta gerri behean eramateko modukoak, kolore guztietako kirol-zapatilak, kamiseta oso laburrak eta osagarri gutxi (belarritako handiak salbu). Grunge-pop estilo harekin sustatu zuen 'Pon de Replay' singlea eta Beyoncerekin alderatu zuten askok. Ile luzea zeraman, kizkurtuta, eta makillaje kolore argiak aukeratzen zituen. Egun berezietan, belaun azpira arteko soinekoak hautatzen zituen, askotan satinezkoak eta eskote handidunak. 18 urte bete zituenean, kirol jantzi sexy haiekin jarraitzen zuen.

Sekulako aldaketa

Halere, denbora gutxian sekulako look aldaketa izan zuen Rihannak. Bigarren lana atera eta gutxira arau guztiak hautsi zituen. Diskoari Good Girl Gone Bad (neska ona gaizto bihurtu da) izena jarri zion eta zentzu guztietan aldaketa izan zuen abeslari ospetsu honek. 'Umbrella' singlea aurkeztu zuenean jarraitzaile asko aho zabalik utzi zituen. Ilea labur-labur moztu eta beltzezko tindatu zuen, gainerako nesketatik “ezberdintzeko” helburuz. Orduz geroztik, bere buruarengan ziurtasun gehiago duen emakume bat ezagutu dugu. Look ausartagoa du orain Rihannak. Atzean utzi ditu itxura goxoa eta nerabe aurpegia eta gutxika punk estiloa bereganatuz joan da. Orain legging apurtuak, takoi altuak, animali-estanpatuak, kolore fluoreszenteak eta larrua dira nagusi bere armairuan. Galetarako soineko oso laburrak eta kolore biziak aukeratzen ditu eta guztia, larruzko jantzi beltzekin konbinatzen du. Azazkalak nahiz ezpainak ere kolore nabarmenekin margotzen ditu, ostadarreko edozein kolore hautatuz. Gainera, gorputza tatuajez josita dauka; izarrak, pistola bat, garezurra...

Monday, 19 October 2009

SKA MUSIKA

Ska 1950. hamarkadan Jamaikan sortutako musika estiloa da. Jazza, bluesa eta karibeko musika fusionatuz sortu zen. Kitarra elektrikoa, tronpeta, tronboia, kontrabaxua, saxofoia eta teklatua dira instrumentu nagusienak nahiz eta talde batzuk beste instrumentu batzuk gehitu, adibidez Obrint pas taldeak dultzaina erabiltzen du. Euskal herriko talde nagusienak, Betagarri, Kortatu, Fermin Muguruza...


Nabil eta Mattin

Wednesday, 7 October 2009

TO.PIC-EK BERE IBILIBIDEA HASTEN DU


Tolosako Txotxongiloaren Nazioarteko Zentroaren egitasmoa Tolosako Ekinbide Etxeko egitasmoa da eta lehenengo pausoak 1986an eman zituen Tolosako Udalarekin harremanetan hasi zenean. 20 urte baino gehiagoko lan eta negoziaketen ondoren, azkenean Tolosako Udalarentzat baldintza egokiak iritsi dira, Gipuzkoako Foru Aldunduarekin eta Fomentoko Ministeritzarekin hitzarmenak sinatu ondoren eta Eusko Jaurlaritzak eta Kutxak iragarritako partaidetzarekin, Tolosa Txotxongilo artearen munduko erreferente bilakatuko duen egitasmo berezi hau martxan jartzeko.

Tolosako Txotxongiloaren Nazioarteko Zentroaren egitasmoak (C.I.T.T.) Txotxongiloaren Artearen gaitasunak zabaldu eta sakondu nahi ditu bere ekintza ondorengo ardatzetan zehaztuz:

  • Txotxongilo ikuskizunen hedapena
  • Txotxongilo artearen dibulgazioa (Museoa)
  • Ondarearen zainketa
  • Ikerketa eta Dokumentazio Zentroa
  • Arautu gabeko heziketa



T.T.N.Z. probintziako ondare historiko gisa finkatutako Euskal Herriko Plazako eraikin nagusian kokatuko da, Tolosako gune historikoaren erdian alegia; lau solairutan banatutako 3.600 m² izango ditu guztira eta bertan ondorengoa eraikiko da:

  • 250 ikusleentzako eszena espazio moderno bat
  • Aurre produkziotarako eta entsegutarako gela bat
  • Museo iraunkor bat eta aldi baterako erakusketak
  • Dokumentazio Zentro bat, Mediateka, Ikonoteka, e.a.
  • Bertako nahiz urrutiko tailerretarako gelak
  • Artistentzako edo/eta ikertzaileentzako egoitza


C.I.T.T.-ak originaltasunaren eta berrikuntzaren aldeko apustua egiten du, txotxongilo artearentzako Zentro integral bakarra izango da ez bakarrik Estatuan Europa osoan baizik. Arte konplexu honetako arlo zehatzetan espezializatutako zenbait zentro badaude, hauek garranatzia ematen diote artistari, sortzaileari, ikasleari, ikertzaileari, e.a. baina, arte-lanaren azken hartzailea den ikusleari garrantzia berezia eskaini nahi dion izaera integraleko zerbait aurkitzeko Estatu Batuetako Atlantara edo Taiwango Taipeira joan behar dugu.


C.I.T.T.-ko eszena espazioak, 11 metrotako ahoa, sakonean 9 metro eta altueran 7 metro izango ditu eta ongi hornituriko eszenatoki birakari bat izango du.
C.I.T.T.-ko eszena-ekipamendua Zentroaren ardatza izango da eta Tolosan antolatuko diren izaera eszenikoko ekintza guztiak hartuko ditu.

Hedapen arloan, aurten bere Zilarrezko Ezteiak ospatuko dituen urteroko Jaialdiaz gain, ikasturtean zehar garatuko den eskola kanpaina bat izango du eta Euskadi nahiz inguruko Autonomi Erkidegotako neska-mutilek Tolosan egun bateko kultur-txangoa egiteko aukera izango dute eta aldi berean txotxongiloaren artearekin harreman sakon eta ludikoa izango dute ikuskizun on bat ikusiz, museo original desberdin bat bisitatuz, txotxongilo erraz baten egintzaren esperientziaren bitartez eta Tolosako alde zahareña egingo duten bisitaldiaren bitartez. Asteburutan familia osoari zuzendutako ikuskizunak eta helduentzako ikuskizunak programatuko dira.

C.I.T.T.-k ez du berea izango den konpainia iraunkor bat eduki nahi, egitasmoak euskal konpainiekin ko-produkzioak egiteko asmoa du, dramaturgia garaikideko, bereziki idazle gazteenak eszenaratzeko proposamenak bultzatuz eta horrela egun dagoen hutsune garrantzitsua bete nahi da. Bestela txotxongilolariek gehiegitan ipuin klasikoetara jo behar dute ikusleek merezi duten hainako kalitate eskaseko bertsioak eginez.

Museoak bi atal izango ditu. Lehen atala iraunkorra izango da, bertan historian zehar txotxongiloa, bere geografi-banaketa eta bere teknika desberdintasunak eta kontzepzio desberdinak erakutsiko dira eta bigarren atalean urtean zehar aldatuko diren erakusketa monografikoak aurkeztuko dira.

Txotxongiloa bere benetako dimentsioa eszenan hartzen duen objektua izanik, erakusketak teknologia berrien laguntza garrantzitsua izango du, bere benetako balioa ezagutu eta ulertzeko mugimenduan dauden irudiak aurkezteko asmoz.

Museoak garrantzi berezia emango dio Txotxongiloaren ondare nazionalaren berreskuratze eta zainketari. Zabor-ontzietan edo Estatutik kanpo espekulatzaile nahiz bildumagile pribatuen eskuetan amaitu edo galdu diren artista handiek produzitutako lanenganako babesagatik kezka larria dago gaur egun. Iraganean gertatutako espoliazioak etorkizunean gertatzea ekiditea guztion eginbeharra dela uste dugu.

Dokumentazio eta Ikerketa Zentroa, mundu osoko txotxongilo ikuskizunen 1800 bideo edo DVD-ko ondare batekin jaioko da, 1.600 kartel, 7.200 argazki, mundu osoko 2.300 konpainia baino gehiagoren literatur dokumentazioa eta mundu osoko arte mota honen arloko 600 liburuz, aldizkariz edo aldizkako argitalpenez osatutako liburutegi txiki batekin.

Zentro berriak mediateka, bideoteka, ikonoteka eta liburutegirako espazioak izango ditu, ikerketa asmoz edo kuriositatez hurbildu nahi duen edozeienentzat irekiak egongo direnak.

Herrialdeko unibertsitate erakundeekin lankidetzan, kultura, pentsamendua, artea eta eszena munduarekin lotura duten karrera desberdinetako lizentziatu gazteei laguntzeko bekak eskaini eta ikerkuntzari laguntzea ere aurreikusita dago, arte konplexu honen alderdiren batean sakon dezaten.

Formakuntza hiru arlotan banatzen dugu.

Lehenengo arloa Estatu osoko txotxongilolarien hobekuntza profesionalari zuzendua egongo da eta modu horretan trebatzeko masterrak izango dituzte.

Bigarren arloak irakasleei, aisialdiko teknikariei, gizarte kulturako animatzaileei, e.a. arreta eskainiko die, antzerki jokoan haurrekin eta nerabeekin lan egiteko lagunduko dieten oinarrizko ezagutzak eskaintzea izango du helburu nagusi gisa. Arlo honetan sartzen da ere arazoak dituzten neska-mutilei terapia gisa txotxongiloaren artearen aplikazioa egitea ere.

Eta hirugarren arloa 8 urtetik gorako neska-mutilentzat izango da, sortuz jolas eginez eta txotxongiloak eraikiz gazteenei eskainia egongo da.

Hiru kasutan Internet bidezko bideokonferentzia sistemen erabilpena ere aurreikusita dago eta horrela, Euskadi nahiz Estatuko edozein txokotako ikastetxetako ikasgeletaraino iritsi ahal izango dugu.

Hemen laburtutako egitasmo guzti hau bere atal guztietan garatua dago. Aurretik Udalaren eta irabazi asmorik gabeko herri-onurakoa den Tolosako Ekinbide Etxearen (C.I.T.) arteko hitzarmen egokiari esker, erakunde honek kudeatuko duelarik.

HOLLYWOOD-ERA JOAN GABE DONOSTIAN SARI BANAKETA

Donostiako sari banaketa

FILM ONENAREN URREZKO MASKORRA
LU CHUAN zuzendariaren " CITY OF LIFE AND DEATH" filmari
eman diote.
EPAIMAHAIAREN SARI BEREZIA
FRANÇOIS OZON zuzendariaren "LE REFUGE" filmak eskuratu du.

ZUZENDARI ONENAREN ZILARREZKO MASKORRA
JAVIER REBOLLO jaunari "LA MUJER SIN PIANO" filmeagatik.

GIZONEZKO AKTORE ONENAREN ZILARREZKO MASKORRA
PABLO PINEDA jaunari "YO, TAMBIÉN" filmeagatik lortu du.
EMAKUMEZKO AKTORE ONENAREN ZILARREZKO MASKORRA
LOLA DUEÑAS andereari "YO, TAMBIÉN" filmeagatik

ARGAZKIGINTZA ONENAREN EPAIMAHAIAREN SARIA
CAO YU jaunari "CITY OF LIFE AND DEATH" filmeagatik irabazi du.

GIDOI ONENAREN EPAIMAHAIAREN SARIA
ANDREWS BOWELL jaunari, MELISSA REEVES andereari, PATRICIA CORNELIUS eta CHRISTOS TSIOLKAS jaunari "BLESSED" filmeagatik eman diote.
Zinemaldiak zinearen izar handi bati omenaldia egiten dio bere jardunbidea goraipatzeko, 1986an sortu zen Donostia Sariaren bidez. Aurten, 57. edizioan, besteak beste, sari honen irabazlea Ian McKellen izan da, Eraztunen jauna eta X-Men lanekin.